كل البنات بتحبك..كل البنات حلوين
كتبت-نرنورة:
في يوم من الأيام كنت قعدة بعد ١٢ بليل وهف عليا بعض الأسئلة الاوفر ثينكينج ربنا يعافيكم ويعافيني ...وجيبت التاب وقولت أما اسلي نفسي واسمع شوية أغاني من بتوع ١٩٩٩ دول وجيل الروش لاقيت أغنية الأستاذ حسام حسن بتاعت كل البنات بتحبك وبدأت افكر تاني من حيث
هو كل البنات بتحبك؟
ولا كل البنات حلوين؟
_طبعًا يا سيدي يابختك وأنت الي زيك مين
مين الي غنى الأغنية دي الفنان "حسام حسني" لكن مش أخو تامر حسني ولا حاجة وكل ال اتقال إشاعات تمورة وحسام مش أخوات ولكن تامر فعلًا عنده أخ أكبر منه واسمه حسام ولكنه منتج ودا الي ظهر في الفترة الأخيرة عبر حساب انستجرام الي خاص بالفنان تامر ونزل صورة بينهم وهما بيضموا عقد إنتاج فيلم تامر جديد مش موضوعنا .
المهم دلوقتي طب فين حسام بعد مكل البنات بقيت بتحبه وبدء ازاي حسام حسني مش مجرد موهوب والسلام لا دا معاه ماجستير كمان في التأليف والتوزيع وقيادة الاوركيسترا وكمان متخرج من كلية تربية موسيقى يعني دارس وفاهم هو بيعمل أيه ودا الي خلاه يلحن ويوزع ألبومات وأغاني معظم الفنانين والنجوم في وقته زي مثلًا استاذ هاني شاكر وعمرو دياب ومحمد محي وسيمون ومحمد عبده .
حسام كان شغوف بيحب يجرب أكتر من حاجة فجرب كمان مجال التمثيل ولية ٣أعمال فنية منهم أيس كريم في جليم وبلا شك أنه وضعله الموسيقى التصويريه بتاعته .
أول ألبوماته كانت "لولاش"
ولولاش قلبه ميوعاش طول عمره أهوه عاش هيشة الدراويش
يابنات فاتينات مبلاش النظرة تأخدني في لحظة طيش
اسمعوها من هنا بجد
https://youtu.be/D19CY30evDo
هتعجبكم
وكل اغاني وألحانه كانت دمها خفيف ودا كان نوع موسيقى بتاع الروشنة يعتبر بالنسبالهم زمان كمان عمل أغنية مع أمير عيد اسمها أنا بحبك وغيرك أنت نوبادي تهجرني ليه وتحب غيري صم بادي
واصلًا هي مكتوبة كدا على بوستر الأغنية الأنجلش متعرب أنا مش بخترع لغة بس هتستمتعوا يعني
اسمعوها من هنا بردو ممكن تعجبكم
https://youtu.be/bAeYn5O8Tw4
المهم أحنا مفتقدين أفكار الفنان حسام حسني في الأغاني جدًا لأن مفيش أغاني هتضحكنا كدا بصراحة من زمان يعني بس بردو نقول الحق الأستاذ حسام ليه أغاني حزينة زي جرحوني وقفلوا الأجزخنات لا قالولي أزيك ولا سلامات جرحوني فمنعرفش هما جرحوه بأنهي سبب أو لو مجروح أوي ممكن تعدي على أي قسم طوارئ يخيطلك الجرح وألف سلامة عليك يا أستاذ حسام معاش الي يجرحك.
Comments
Post a Comment